Tá riachtanas éigeantach nua Sláinte agus Sábháilteachta tugtha isteach ag Dublin Port Company darb ainm Pas Chalafort Átha Cliath. Is riachtanas éigeantach é do gach Úsáideoir Calafoirt próiseas dáchéimneach ionduchtúcháin agus rialaithe rochtana a chur i gcrích chun rochtain a fháil ar na Comhlimistéir d’Úsáideoirí i gCalafort Átha Cliath:

Céim a hAon: Cúrsa Ionduchtúcháin Phas Chalafort Átha Cliath a chur i gcrích go rathúil
Céim a Dó: Cuir isteach ar Chárta um Rialú Rochtana

Beidh Pas Chalafort Átha Cliath rathúil agus Cárta um Rialú Rochtana bailí de dhíth ort chun rochtain a fháil ar an gComhlimistéar d’Úsáideoirí i ndiaidh an 28 Meán Fómhair 2020. Níl aon eisceacht ann. I ndiaidh an dáta sin, beidh polasaí dian “GAN PAS CHALAFORT ÁTHA CLIATH, NÍL CEAD ISTEACH, NÍL AON EISCEACHT ANN” i bhfeidhm ag Dublin Port Company agus Doyle Shipping Group don Chomhlimistéar d’Úsáideoirí.

Tosaíonn an tréimhse clárúcháin Dé Mháirt, an 30 Meitheamh agus críochnaíonn sé ar 12.00i.n. Dé Luain, an 28 Meán Fómhair 2020. I rith an ama sin, beidh Dublin Port Company ag obair i gcomhpháirtíocht le tionóntaí calafoirt, oibritheoirí, comhlachtaí ionadaíocha agus eagraíochtaí tionscail le cinntiú go bhfuil feasacht agus comhlíonadh ann maidir leis an riachtanas nua, agus beidh an riachtanas nua á chur in iúl aige d’úsáideoirí calafoirt agus cuairteoirí ar an talamh.

Cuimsíonn an Comhlimistéar d’Úsáideoirí na limistéir seo a leanas ar an taobh thuaidh den Chalafort, atá inrochtana ó Bhóthar Alexandra;
● Cé Alexandra Thiar, a bhfuil ceithre bheart i seirbhís aici (beartanna 28-31), mar aon le rampa Ró-Ró amháin
● Cé Alexandra Thoir, a bhfuil trí bheart i seirbhís aici (beartanna 38, 39 agus 40)
● Cé an Aigéin (Duga Alexandra Thoir), a bhfuil sé bheart ilfheidhme i seirbhís aici (beartanna 32-37), mar aon le dhá rampa Ró-Ró.

Chomh maith leis sin, tá dhá bheart i seirbhís (beartanna 46-47) ar an taobh theas den Chalafort, áit ar a dtugtar Cé an Ghuail go minic

Dublin Port Company (DPC) a dhéanann rochtain a bhainistiú ag: Uimh. 1 & 2, an Craobh-bhóthar Theas agus ag Comhlimistéar d’Úsáideoirí South Port.
Doyle Shipping Group (DSG) a dhéanann rochtain a bhainistiú ag: Uimh. 3 & 4, an Craobh-bhóthar Theas – Críochfort Coimeádán Ché Alexandra

Is clár oiliúna ionduchtúcháin ar líne é Pas Chalafort Átha Cliath a phléann le cúrsaí Comhshaoil, Sláinte, Sábháilteachta agus Slándála, agus a dearadh do gach duine atá ag iarraidh rochtain a fháil ar limistéir taobh istigh de Chalafort Átha Cliath atá ainmnithe mar theoranta nó obair a dhéanamh sna limistéir sin. Beidh sé riachtanach cúrsa ionduchtúcháin Phas Chalafort Átha Cliath a chur i gcrích chun rochtain a fháil ar na Comhlimistéir d’Úsáideoirí ó Luan an 28 Meán Fómhair 2020.

Má tá rochtain ar an gComhlimistéar d’Úsáideoirí de dhíth ort, CAITHFIDH an próiseas dáchéimneach sábháilteachta agus slándála a bheith curtha i gcrích agat roimh an Luan an 28 Meán Fómhair 2020: Céim a hAon: Ionduchtúchán Phas Chalafort Átha Cliath
Céim a Dó: Iarratas ar Chárta um Rialú Rochtana

Faoi láthair, níl sé de dhíth ort chun rochtain a fháil ar na Críochfoirt Farantóireachta i gCalafort Átha Cliath. Ní gá d’oibrithe calafoirt, cuairteoirí agus conraitheoirí an cúrsa ionduchtúcháin do Phas Chalafort Átha Cliath a chur i gcrích agus iarratas a chur isteach ar cárta um rialú rochtana ach amháin má tá rochtain ar na Comhlimistéir d’Úsáideoirí i gCalafort Átha Cliath de dhíth orthu. Tá níos mó eolais thuas faoi cá háit a bhfuil na Comhlimistéir d’Úsáideoirí lonnaithe.

Logáil isteach ar www.dublinport.ie/dublinportpass/ agus cliceáil CLÁRAIGH ANOIS.
Óstálann Flex Manager cúrsa ionduchtúcháin Phas Chalafort Átha Cliath. Ba chóir go nglacfaidh an t-ionduchtúchán thart ar 30-45 nóiméad le cur i gcrích agus osclaíonn sé don chlárú i Meitheamh 2020. Caithfidh tú an clárú a chur i gcrích, an príomhlimistéar i gCalafort Átha Cliath a roghnú a bhfuil rochtain de dhíth ort air, grianghraf a úsáid chun d’aitheantas a fhíorú agus leanúint ar aghaidh chuig an gcúrsa ionduchtúcháin. Tabhair do d’aire: Má tá rochtain bhreise ar limistéir eile taobh istigh den Comhlimistéar d’Úsáideoirí de dhíth ort, déan teagmháil le Dublin Port Company nó Doyle Shipping Group.

Caithfidh tú amharc ar fhíseán ionduchtúcháin chun foghlaim faoi na rioscaí agus na riachtanais don tsláinte, sábháilteacht agus slándáil thimpeallachta. Ansin beidh ort ceisteanna ilrogha a fhreagairt, a bhfuil cuid díobh éigeantach chun pas a fháil. Caithfidh tú na ceisteanna éigeantacha uilig a fhreagairt i gceart agus íos-scór de 80% a bhaint amach chun pas a fháil sa chúrsa.

Má bhíonn aon deacrachtaí teicniúla agat maidir le d’ionduchtúchán ar líne a chomhlánú, is féidir leat ríomhphost a sheoladh chuig: support@cgatechnology.com

Tá ‘Flex Support’ ar fáil ó Luan go hAoine 9.00rn go 10.00in.

Nuair a éiríonn leat sa chúrsa ionduchtaithe gheobhaidh tú deimhniú ríomhphoist ón ‘Flex Manager’ agus teastas ionduchtaithe Pas Chalafort Bhaile Átha Cliath ceangailte leis.

Má fhreagraíonn tú ceist éigeantach go mícheart, nó mura mbaineann tú scór 80% amach, teipfidh ort i gcúrsa ionduchtúcháin Phas Chalafort Átha Cliath. Is féidir leat an cúrsa a athdhéanamh an oiread amanna agus atá de dhíth ort ar ardán ‘Flex Manager’ go dtí go gcuirfidh tú é i gcrích go rathúil. Moltar duit na ceisteanna ilrogha a thosú ón dtús, agus na roghanna ceiste agus freagra a léamh go cúramach.

Tá cúrsaí ionduchtúcháin Phas Chalafort Átha Cliath ar fáil i sé theanga; Béarla, Gaeilge, Rúisis, Polainnis, Filipínis agus Rómáinis.

Nuair atá an t-ionduchtúchán curtha i gcrích agat go rathúil ar ‘Flex Manager’, iarrfar ort filleadh ar www.dublinport.ie/dublinportpass/, ansin is féidir leat dul ar aghaidh chuig Céim a Dó agus cur isteach ar Chárta um Rialú Rochtana ach CUIR ISTEACH AIR ANOIS a chliceáil

Daoine a bhfuil Cárta acu cheana: Ní bheidh orthu Céim a Dó (Iarratas ar Chárta Rochtana) a chur i gcrích agus déanfar a gcuid rochtana a nuashonrú go huathoibríoch don limistéar ábharthach nuair atá an t-ionduchtúchán ar líne curtha i gcrích acu go rathúil.

Iarrthóirí ar Chártaí Nua: Ar chríochnú rathúil d’Ionduchtúchán Phas Chalafort Átha Cliath, beidh Úsáideoirí Calafoirt ábalta cur isteach ar Chárta um Rialú Rochtana ach logáil isteach ar www.dublinport.ie/dublinportpass/ agus CUIR ISTEACH AIR ANOIS a chliceáil

Caithfidh tú na sonraí ábhartha uilig a chomhlánú ar an iarratas ar chárta um rialú rochtana, m.sh. Ainm, Seoladh, Seoladh Ríomhphoist, srl. Chomh maith leis sin, caithfidh tú grianghraf digiteach a uaslódáil a chomhlíonann na treoirlínte. Cuirfear an grianghraf sin ar do chárta um rialú rochtana chun d’aitheantas a dheimhniú.

Beidh ar na daoine a bhfuil Pas Chalafort Átha Cliath acu an oiliúint a athdhéanamh agus a gcárta um rialú rochtana a athnuachan gach ceithre bliana.

Níl costas ar bith ar an bpróiseas dáchéimneach sábháilteachta agus slándála a chur i gcrích; ach gearrfar €20 as cártaí ionaid um rialú rochtana. Baineann seo leis an tréimhse 2022/2023.

Ba chóir go mbeadh cúis bhailí ag gach uile dhuine a théann isteach sa Chomhlimistéar d’Úsáideoirí i gCalafort Átha Cliath agus beidh Pas Chalafort Átha Cliath agus Cárta um Rialú Rochtana bailí de dhíth orthu. Níl aon eisceacht ann. Iarrfaidh Dublin Port Harbour Police / Port Security ar aon duine nach bhfuil Pas Chalafort Átha Cliath ná Cárta um Rialú Rochtana bailí acu, atá sa Chomhlimistéar d’Úsáideoirí, imeacht as an gcalafort.

Caithfidh gach duine atá ag dul isteach sa Chomhlimistéar d’Úsáideoirí a gCárta um Rialú Rochtana a iompar leo i gcónaí.

Gan Pas – Níl Cead Isteach – Níl Aon Eisceacht Ann. Mura bhfuil an próiseas dáchéimneach sábháilteachta agus slándála curtha i gcrích agat, caithfidh tú logáil isteach ar www.dublinport.ie/dublinportpass/ agus amhlaidh a dhéanamh.

Beidh. Beidh an próiseas Dáchéimneach sábháilteachta agus slándála curtha i bhfeidhm i limistéir le rochtain theoranta eile i gCalafort Átha Cliath, mar shampla an Zón Ola.

Caithfidh gach oibrí calafoirt agus conraitheoir a bhfuil rochtain ar an Zón Ola de dhíth orthu Pas Chalafort Átha Cliath don Zón Ola a chur i gcrích. Chuaigh Dublin Port Company i mbun plé leis na cuideachtaí ola agus cothabhála éagsúla atá rochtain de dhíth orthu don limistéar seo go laethúil agus tugadh na sonraí ábhartha.

Caithfidh cuairteoirí neamhrialta ar an Zón Ola teagmháil a dhéanamh leis an Maor Dóiteáin atá ar dualgas ach an gléas idirchumarsáide geata a bhrú ar theacht dóibh chun an láithreáin.

P: 01 855 9010
E: oilzoneportpass@dublinport.ie

Mar chuid de chlár Phas Chalafort Átha Cliath is riachtanas éigeantach sláinte, sábháilteachta agus slándála é do gach Mairnéalach atá ag dul isteach / amach as an gComhlimistéar d’Úsáideoirí agus an Zón Ola, ceann de dhá rogha a cur i gcrích:

1.3.1 Ag glaoch go rialta ar Chalafort Bhaile Átha Cliath - ar árthaí a thugann cuairt níos mó ná uair amháin in aghaidh na bliana féilire - ní mór dóibh an próiseas iarratais ar chárta rialaithe rochtana agus ionduchtaithe Pas Dhá Chéim Chalafort Bhaile Átha Cliath a chomhlánú.

1.3.2 Glaonna Neamhrialta go Calafort Bhaile Átha Cliath – a thugann cuairt ar shoithí níos lú ná uair amháin sa bhliain féilire – i dteideal an Treoir Sábháilteachta do Mharaithe a chomhlánú chun Pas Cladaigh sealadach a fháil.

Tá Pasanna Cladaigh Sealadacha ar fáil ag:

https://www.dublinport.ie/dublinportpass/seafarers-safety-guide/